Reikniblinda
Reikniblinda (dyscalculia) tengist erfiðleikum í stærðfræði. Algengt er þó að vandamál tengd stærðfræði stafi einfaldlega af slökum kennsluaðferðum og varast skal að blanda því saman við reikniblindu.
Einnig geta "hefðbundin" lesblindueinkenni truflað nemandann í stærðfræði, svo sem ruglingur með tákn.
Einkenni reikniblindu geta meðal annars verið eftirfarandi:
- er lengi að læra að telja
- á erfitt með að skilja samband milli fjölda og tölustafs
- "veit" (man) hvað 3+3 er en reiknar 3+4 á fingrum
- á erfitt með að læra margföldunartöfluna
- á í erfiðleikum með að skilja reiknireglur ("taka til láns", "geyma")
- lærir seint á klukku
- slakt tímaskyn
Algengt er að þeir sem eru mjög dagdreymnir (utan við sig) eða greindir með ADD, glími einnig við erfiðleika tengda stærðfræði og tíma.
.jpg)
|
